PROIEKTUA

REPAM

Jesusen Lagundiaren GKE gisa, Entreculturas-ek eta Alboan-ek Elizaren misioan laguntzen dugu Amazonian eta Amazoniarentzat, herri indigenekin batera eta guztion etxea zainduz, REPAMeko kide garen aldetik (Panamazoniako Eliza Sarea), bi estrategia handiren bidez:

REPAMen “Nazioarteko sareak” zerbitzu-ardatzeko kide gisa. Entreculturas-ek eta Alboan-ek REPAMen “Nazioarteko sareak” lantaldean parte hartzen dute, Elizarekin lotura duten Europako beste GKE batzuekin batera. Sare horrek sentikortzeko eta eragiteko ekintzak egiten ditu iparraldean, “asfaltoko oihanean”. Halaber, Amazoniako herri indigenen giza eskubideak urratzen direnean, defentsa-lanak egiten ditu nazioarteko foroetan, Giza Eskubideen eta Nazioarteko Eraginaren Ardatzarekin koordinatuta.

Tokian-tokian gure bazkideei laguntza eta finantzaketa emanez. Haiek lurralde eta sektore jakin batzuetan jarduten dute, REPAMen lehentasun-esparru orokorrean.

Agian interesatuko zaizu.

CIMI-REN TALDE IBILTARIA

Talde ibiltaria 1998an sortu zen, Claudio Perani jesuitaren bultzadari esker. Amazoniako herrien aldarriei, desioei eta itxaropenei erne entzunda jaio zen proiektua. Eta herri horiekin batera aurkitu du talde ibiltariak bizitzaren, harremanen humanizazioaren eta justiziaren sustapenaren zerbitzura jartzeko modurik onena, pertsonen, komunitateen, herrien eta erakundeen arteko sareak ehunduz.

COMPARTE sarea

Comparte 19 gizarte-erakundek osatutako sare bat da. Sareko kideek Latinoamerikako 11 herrialdetan eta Europan (Alboan) dihardute. Erakundeek gizarte-bazterketako egoeran dauden ekoizleen ekimen ekonomikoak laguntzen dituzte, landa-eremuetan zein hirietan.

SAIPE

Awajun eta wampi herriek, beren lurraldea eta bizimodua kanpo-faktore berrien mehatxupean zegoela ikusita, horiek defendatzen laguntzeko eskaera egin zioten Jesusen Lagundiari eta horren erantzuna izan zen Nekazaritza eta Abeltzaintzako Ikerketa eta Ekonomia Sustatzeko Zerbitzua (SAIPE).