Menu
Menu
Menu
Zer egiten dugu?
proiektuak
Amazonia garrasika ari da, aspalditik salatzen ditu oihuka natura-ondasunen jabekuntza eta pribatizazioa, bertako herriak lekualdatzen dituzten megaproiektuak, deforestazioa areagotzen duten egur-emakidak, meatzaritza, basoko suteak eta monolaborantza. Horiek dira eskualdeak pairatzen dituen mehatxuetako batzuk, eta ez dituzte ingurumen-degradazioa soilik eragiten; horrez gain, herri indigenen existentzia, kultura eta identitatea jartzen dituzte arriskuan. Baina baita gurea ere. Arnasten dugun oxigenoaren eta kontsumitzen dugun uraren % 20 baino gehiago lurralde horretatik baitator.
Entreculturas-ek eta Alboan-ek eragiteko, salatzeko eta sentsibilizatzeko ekintzak egin nahi ditugu, eta herri
indigenen oinarrizko beharrei erantzun. Zenbait proiektu sustatzen ditugu asmo horrekin: hezkuntza-laguntza
elebiduna eta kulturartekoa emateko, bizibide alternatiboak sustatzeko eta haien eskubideak, kultura eta
identitatea defendatzen laguntzeko.
Horretarako, gure erakunde aliatuek eskualdean egiten dituzten proiektuak babesten ditugu.
Hemen duzu
horiek apur bat gehiago ezagutzeko aukera.
Jesusen Lagundiaren GKE gisa, Entreculturas-ek eta Alboan-ek Elizaren misioan laguntzen dugu Amazonian eta Amazoniarentzat, herri indigenekin batera eta guztion etxea zainduz, REPAMeko kide garen aldetik (Panamazoniako Eliza Sarea), bi estrategia handiren bidez:
Alboan-en eta Panamazoniaren arteko lotura lankidetzako lanaren bitartez gauzatzen da, Zerbitzu Jesuita Panamazoniarrari (SJPAM) lagunduz. Zerbitzu horretan biltzen dira Jesusen Lagundiak lurraldean dituen presentziak. Sareko …
Comparte 19 gizarte-erakundek osatutako sare bat da. Sareko kideek Latinoamerikako 11 herrialdetan eta Europan (Alboan) dihardute. Erakundeek gizarte-bazterketako egoeran dauden ekoizleen ekimen ekonomikoak laguntzen dituzte, landa-eremuetan zein hirietan.
Talde ibiltaria 1998an sortu zen, Claudio Perani jesuitaren bultzadari esker. Amazoniako herrien aldarriei, desioei eta itxaropenei erne entzunda jaio zen proiektua. Eta herri horiekin batera aurkitu du talde ibiltariak bizitzaren, harremanen humanizazioaren eta justiziaren sustapenaren zerbitzura jartzeko modurik onena, pertsonen, komunitateen, herrien eta erakundeen arteko sareak ehunduz.
Entreculturas-ek, Nazioarteko Fe y Alegría Federazioko kidea den aldetik, Peruko Fe y Alegría-rekin lankidetzan dihardu, egoera ahulean dauden herrien hezkuntza-eskubidearen aldeko hainbat proiektu eta ekintzatan; besteak beste, Peruko Amazoniako haur eta gazteentzako hainbat proposamen eta proiektutan.
Awajun eta wampi herriek, beren lurraldea eta bizimodua kanpo-faktore berrien mehatxupean zegoela ikusita, horiek defendatzen laguntzeko eskaera egin zioten Jesusen Lagundiari eta horren erantzuna izan zen Nekazaritza eta Abeltzaintzako Ikerketa eta Ekonomia Sustatzeko Zerbitzua (SAIPE).
