O Servizo Agropecuario para a Investigación e a Promoción Económica (SAIPE) nace para dar resposta á solicitude que os pobos awajún e wampis fixeron á Compañía de Xesús, para defenderen o seu territorio e o seu modo de vida ameazado pola aparición de novos factores externos.
Máis aló da execución conxunta de proxectos na Amazonia peruana, a relación entre Alboan e SAIPE remóntase ao nacemento deste último, xa que un dos fundadores de ALBOAN, na súa estancia no Alto Marañón entre 1991 e 1993, participou na definición e implantación de SAIPE.
Desde entón, Alboan acompañou todo o proceso de posicionamento e consolidación da institución con proxectos, presenza de voluntarios cooperantes, asistencia técnica e formación do seu persoal e da súa poboación meta (líderes indíxenas), en temas de globalización, cooperación e desenvolvemento. democracia e goberno e dereitos humanos dos pobos indíxenas.
Actualmente, o traballo de SAIPE céntrase en 2 liñas de traballo:
1) As familias do Alto Marañón viven máis integradas cos seres do bosque, chegan á soberanía alimentaria e xeran excedentes a partir da súa xestión.
2) Os pobos do Alto Marañón coñecen os seus dereitos humanos e colectivos, fortaleceron a familia e as súas organizacións e institucións.
Neste marco, tanto Alboan como Entreculturas acompañan a SAIPE en iniciativas do primeiro eixo, apoiando a soberanía alimentaria e iniciativas de emprendemento económico sostible e acordes coa cultura indíxena local, especialmente no que se refire á produción e venda de plátanos, de galiñas rexionais e do fomento da apicultura.
SAIPE tamén forma parte da Rede Comparte, permitindo así enriquecer os seus proxectos coa aprendizaxe que se produce a nivel internacional.
