Enpresa transnazionalek eta balio-kate globalek erantzukizuna dute Amazoniako lurraldea eta bertako biztanleak mehatxatzen dituzten arrisku nagusietan.
Piztutako suteek eragindako deforestazioari buruz ari gara, bidea irekitzen diena nekazaritzan oinarritutako negozioei (palma- eta soja-olioaren laboreak, abeltzaintza estentsiboa, kafea eta abar); baita erauzketa-industrien (meatzaritza, petrolioa) gizartearekiko eta ingurumenarekiko eraginei buruz ere.
Urtero, Amazoniako basoak milaka hektarea galtzen ditu erauzketa-politiken ondorioz. Lurralde horietako biztanleek ere hainbat mehatxuren mende daude, hala nola lurraldeen kutsadura, eskubideen urraketa edo bizibideen galera.
Enpresaren erantzukizuna ezin da borondatez betetzeko kontutzat hartzen jarraitu.
Horregatik, zure arreta erakarri nahi dugu Europar Batasunean gertatzen ari den prozesu legegile bati buruz: jasangarritasunaren arloko Bidezko Enpresa Eginbideari buruzko Europako Zuzentarauaren negoziazioak, hain zuzen ere. Otsailean hasi ziren, eta urtean zehar luzatuko dira.
Aukera paregabea da Amazoniako espoliazioan parte hartzen duten enpresen zigorgabetasunari amaiera emateko eta praxi txarraren eraginpean dauden pertsonek eta komunitateek justizia eskuratzeko dituzten oztopoak gainditzeko.
Baina zure laguntza behar dugu justizia egingo duen lege bat lortzeko. Sartu Visibles.org webgunean eta sinatu gure eskaera.
CIDSErekin batera, justizia sozialeko erakunde katolikoen nazioarteko familiarekin batera, zure eskaera Europako Parlamentuko ordezkariei bidaltzeaz arduratuko gara.
